BOLLUQ VƏ BƏRƏKƏT

Bolluq və bərəkət yalnız pul ilə ölçülən bir anlayış deyil. Bu seminar həyatın bütün sahələrində mövcud olan geniş bir axını xatırlamaq və onu şüurlu şəkildə qəbul etmək üçün hazırlanıb. Bolluq dedikdə nəfəs aldığımız sağlamlıq, içimizdəki sevgi, münasibətlərdəki harmoniya, düşüncələrimizin aydınlığı, zamanın bizə yetməsi, yaradıcılıq axını və ruhumuzun doyumu da nəzərdə tutulur. Pul isə bu böyük sistemin sadəcə bir ifadə formalarından biridir, amma bütövün özü deyil. Bu seminarın məqsədi insanın diqqətini çatışmazlıq hissindən çıxarıb, artıq mövcud olan dəyərləri görməyə yönəltməkdir. Çünki insan gördüyünü genişləndirir, dərk etdiyini həyatına cəlb edir. Bolluq şüuru “məndə yoxdur” yerindən deyil, “məndə artıq var və artır” halından yaranır. Bu baxış dəyişdikcə həyatın bütün sahələrində axın dəyişməyə başlayır. Bu görüşdə biz bolluğu yalnız düşüncə kimi deyil, həm də hiss, enerji və həyat tərzi kimi dərk etməyə yaxınlaşırıq.